أفيد وأوفرعصائر يحتاجها الجسم .

[safy baby]

السلاموا عليكم حبايب قلبى كل عام وأنتم جميعا بخير وصحه جيدة .

دلوقتى وأنتى فى رمضان كل شويه تقولى لجوزك متنساش تجيب وأنت جاى على الفطار العصائر وطبعا ياعينى الراجل تقريبا ال30 يوم يفضل يجيب أشى عناب على دوم على خروب على صوبيا وطبعا بيزيدوا كل ما يكون عندك عزومه عايزه أقولكم أن ديه ميزانيه تانيه خالص حوار العصائر ده وليه مصروف تانى أنا بقى حقولكم على طرق العصائر وأوفر وأحسن وأنظف من الجاهز هو فيه أحلى من اللى أنتى بتعمليه بأديكى الحلوين لأ طبعا لما تجيبى من كل حاجه وتعمليها أنتى وتعبىء فى قزايز وتحفظى فى الثلاجه بزمتك مش أحسن ؟ على الأقل حتبقى ضامنه نظافه العصائر وكمان هى وصفات سهله جدا جدا نبدأ بقى .
عصيرالدوم :-
الكميه:- ربع دوم ناعم من عند العطار أو البقال .
الطريقه :- تضعى كميه الدوم كلها مع حوالى ربع كيس سكر وعلى نار هادئه جدا تشوحيهم لغايه ما تشمى راحه الدوم وكمان لونه أصبح غامق وتضعى حوالى 3 قزايز ماء يعنى تقريبا 3 لتر ماء فى الحله وتقلبى وتتركيه حتى الغليان وأطفىء عليه حتى يبرد نهائيا وصفيه بشاش وعبىء فى القزايز اللى كنتى معيره بيهم وشوفى بقى حتقضى كام يوم وكمان كام فرد .
عصير الخروب :-
الكميه :- ربع خروب ناعم .
الطريقه :- نفس الطريقه السابقه بالضبط مع أختلاف أنك بتشوحى السكر مع الخروب زياده شويه لأنه بيعطى نكهه فى الطعم يعنى لغايه ما تشوفى السكر ساح خالص .
عصير العناب :-ثمن عناب .
الطريقه :- تضعى بمقدار 2 ونصف لتر ماء فى الحله ومعهم العناب وتسبيه حتى الغليان وبعد مايبرد خالص تصفيه خالص وتحليه بالسكر حسب الرغبه وتعبيه فى قزايز .
( ملحوظه ) أنا سمعت أنه لما يبقى مبلل يكون أفيد بس علميا بيقول أن الحاجه لما تغلى بالأخص العصائر تكون أفيد لأن موادها الغذائيه نزلت عند الغليان فأنا برجح طريقه العناب ديه .
عصير التمر هندى :- يباع بالباكيت بيبقى حوالى 500 جرام .( نصف كيلو )
الطريقه :- ده بقى ينقع فى الماء لمده حوالى 7 ساعات يعنى يفضل تنقعيه قبل ما تنامى ولما تقومى الصبح أعمليه حتلاقيه زاب مع الماء برده صفيه بالشاشه وحليه حسب الرغبه بس ما تحوليش تزودى فيه الماء علشان يبان طعمه وبألف هنا .
ياريت نهتم بهذه السوائل فى رمضان وغير رمضان لأنها مفيده جدا جدا لعلاج حاجات كثيرة منها الضغط والرجيم بس ده طبعا من غير سكر فى حاله الرجيم وحاجات تانيه ويالله نعمل أضراب عن البيبسى وجميع المشروبات اللى من الشارع أعملى حاجتك بأيدك الحلوين ووفرى لجوزك .متنسوش تدعولى ومع الف سلامه .

[safy baby]

رمضان كريم ( حلو يا حلو رمضان كريم يا حلو )

[همس النسيم]

ماقصرتي حبيبتي

[نوجا سيف]

شـكــ وبارك الله فيك ـــرا لك ... لك مني أجمل تحية .

[safy baby]

تسلمولى همس ونوجا نورتم بمروركم .

[sally101284]

موفق بإذن الله ... لك مني أجمل تحية .

[safy baby]

نورتى المنتدى معانا يا سوسو وشكرا على مرورك الجميل

[نور]

تسلمي اديكي ياقمر

[safy baby]

وتسلمى أنتى كمان نور أنتى نورتينا يا أجمل نور

[اميرة بكلمتها]

شكرا لك على موضوعك رائعه جدا

يسلمو صافي

ربي يعطيك العافية

بانتظار جديدك